Starvsfólk til Talgildu Føroyar

Í løtuni er einki starv leyst at søkja.

Vit – tað eru vit stívliga sjeyti starvsfólk, sum hvønn dag skapa Gjaldstovuna – eru skipað í fýra høvuðsøki: KT Landsins, Løn & Bókhald Landsins, Búskaparskipan Landsins og Talgildu Føroyar, og øll stremba vit eftir at ganga á odda í faki okkara, so at tey, sum fáa tænastur frá okkum, kunnu gera arbeiði sítt til lítar. Vit vilja, at starvsfólk skulu trívast og mennast, skipa tí javnan fyri fakligum og sosialum tiltøkum, og í kantinuni stendur døgurði á borðinum hvønn dag.

Talgildu Føroyar hava ábyrgd av almennu føroysku talgildingini. Vit orða heildarætlanir, samstarva við kommunur og vinnu, umboða Føroyar uttanlands innan talgilding, og reka og menna Samleikan, Vangan, Mínboks, Skjáttuna, Heldina og Virkið. Vit arbeiða við verkætlanarleiðslu, rakstri, løgfrøði, samskifti, UX greining, sølu og tænastu.

Við tær eru vit 13 fólk í Talgildu Føroyum. Saman við føroyskum og útlendskum kt-veitarum samstarva vit við tænastuveitarar, sum eru knýttir ella ynskja at knýta seg í loysnirnar hjá okkum. Hetta eru almennir stovnar, kommunur og fyritøkur. Umframt tænastuveitararnir eru kundar okkara tey fleiri enn 46.000 fólkini, ið hava skrásett sær Samleikan.