Samleikin á geyma: Forritið skal skiftast

Brúkar tú Samleikan á geyma? so er umráðandi, at tú kunnar teg forritið, tú brúkar á telduni.

Øll, sum brúka Samleikan á geyma á Windows teldum, skulu skfita forritið á telduni. Smart ID Desktop er forritið, tú brúkar á telduni, tá tú váttar og skrivar loynitalið við Samleikanum.

• Gamla forritið er farið úr gildi, og tí er neyðugt at taka eitt nýtt forrit niður á telduna.
• Um tú ikki skiftir forritið, kanst tú ikki brúka Samleikan á geyma.

Bræv er sent til tey, ið brúka Samleikan á geyma um skiftið. Brævið kann lesast niðanfyri og vegleiðingar, um, hvussu tú gert er á heimasíðuni www.samleikin.fo/geymin

Gevið gætur, kunningin er einans ætlað teimum, ið brúka Samleikan á geyma við Windows teldum.

Góðan dag

Vit senda tær hendan teldupost, tí tú brúkar Samleikan á geyma. Tað er umráðandi, at tú lesur teldupostin væl, tí tað hevur ávirkan á, hvussu tú ritar inn við Samleikanum á geyma frameftir.

Gev gætur at hetta bara er galdandi fyri tey, ið brúka Windows teldu.

Hvat skalt tú gera?

Øll, sum brúka Samleikan á geyma, skulu skifta forritið á telduni. Smart-ID Desktop er forritið, tú brúkar á telduni, tá tú skalt skriva loynitalið, tá ið tú ritar inn við Samleikanum.

• Gamla forritið er farið úr gildi, og tí er neyðugt at taka eitt nýtt forrit niður á telduna.
• Um tú ikki skiftir forritið, kanst tú ikki brúka Samleikan á geyma.

Soleiðis gert tú

1. Strika gamla forritið av telduni.
2. Tak nýggja forritið niður og legg tað á telduna.

Broytingin er skjót at gera, og á heimasíðuni hjá Samleikanum hava vit vegleiðingar við myndum, sum vísa tær, hvussu tú gert.

Tú finnur vegleiðingar á www.samleikin.fo/geymi

Nær?

Tað er týdningarmikið, at tú skiftir forritið sum skjótast, tí annars kanst tú ikki brúka Samleikin á geyma til at rita inn á netbankar, Vangan osfr.

Broytingin fær onga ávirkan á Samleikan á telefon og teldil, og tú kanst framhaldandi rita inn og skriva undir tann vegin.

Um tú hevur spurningar ella ivamál, ert tú vælkomin at seta teg í samband við okkum á telefon 1881 ella 1881@talgildu.fo. Vit svara yrkadagar millum kl. 8 og 16.30.

Vinarliga heilsan
Talgildu Føroyar