Kostnaður fyri Mínboks

Kostnaðurin fyri Mínboks er býttur í trý:

1. Íbindingargjald
2. Mánaðargjald
3. Nýtslugald fyri hvørt brævið, ið verður sent og móttikið.

Endabrúkarar rinda ikki fyri Mínboks. 

Les kunningarskriv um prísbroytingar fyri Mínboks
Kunningarskriv um prísbroytingar í Mínboks 1. januar 2025

• Les um nýggja háttin at senda í Mínboks

  Tað skal vera einfalt at senda brøv í Mínboks, og tí er ein vevtænasta ment, sum sendir postin umvegis Heldina.

   Við vevtænastuni á Heldini fáast nýggir hentleikar til Mínboks.

  • Kannið, hvør hevur Mínboks: Tit vita, um móttakarin 
    brúkar Mínboks ella annan hátt at samskifta.
  • Samskifti við freistum: Tit kunnu fáa váttað, at borgarin 
    hevur lisið brævið.
  • Skjótari og lættari: Tit avgera sjálvi, um borgarar skulu 
    kunna svara brøvum í Mínboks,
  • Sendið post við egnari fakskipan: Tað er lætt at 
    sameina samskifti í Mínboks við tykkara fakskipanir sum 
    t.d. Skjalhald, 360 ella Nema Journal. Við einum ískoytisforriti kunnu tit senda brøv beinleiðis úr tykkara skipan. 
    Harumframt kunnu móttikin brøv verða journaliserað 
    beinleiðis í rætta málið.

  Tað er neyðugt at vera á Heldini fyri at brúka nýggju vevtænastuna. Eru tit á Heldini frammanundan, kunnu tit, í flestu førum, brúka verandi uppsetan til at knýta í vevtænastuna. 

  Í leinkinum niðanfyri er vegleiðing um, hvussu tit kunnu senda í Mínboks umvegis Heldina:
  Mínboks á Heldini

• Les um 1. januar 2025 broytist prísurin

  Við nýggju vevtænastuni á Heldini koma nýggir prísir í gildi frá 1. januar 2025.

  Kostnaður fyri at senda við nýggju vevtænastuni á Heldini verður:

  Mánaðargjald	575 kr.
  Kostnaður fyri brævið uttan mun til stødd	1,95 kr.

  Tørvurin á at senda stór brøv er alsamt vaksandi, og nýggju prísirnir tryggja, at til ber at senda stórar mongdir av dátum uttan óvæntaðar útreiðslur. 

  Kostnaður fyri at senda við gomlu integratiónini:
  Fyri tey, ið senda við gomlu loysnini, verður kostnaðurin fyri støddina av brævinum tann sami sum áður. Harafturat kemur eitt mánaðargjald á 1.475 kr.

  Mánaðargjald	1.475 kr.
  0-99 kb	2 kr. fyri hvørt brævið
  100-199 kb	4 kr. fyri hvørt brævið
  200-299 kb	6 kr. fyri hvørt brævið
  300-399 kb	8 kr. fyri hvørt brævið

  Soleiðis økist prísurin við støddini av brøvum fyri hvørji 100 kb.

  Heldin er ein fortreyt
  Tað er eitt fortreyt at vera á Heldini fyri at brúka nýggju vevtænastuna. Eru tit á Heldini frammanundan, kann verandi uppsetan brúkast í flestu førum til at knýta í vevtænastuna.

  Les um, hvussu tit senda umvegis Heldina í leinkinum niðanfyri:
  Mínboks á Heldini

  Íbindingargjald til nýggjar tænastuveitarar
  Tænastuveitarar rinda eitt íbindingargjald á 15.000 kr. fyri at brúka Mínboks.

• Les um samanbering av kostnaði

  Frá 1. januar 2025 verða tveir ymiskir kostnaðir fyri at senda í Mínboks, Ein kostnaður fyri at senda umvegis Heldina og ein fyri at senda við gomlu integratiónini.

  Uttan mun til hvussu tit senda í Mínboks verður eitt nýtt mánaðargjald til øll, ið senda post í Mínboks.

  Fyri tey, ið senda við gomlu loysnini, verður kostnaðurin fyri støddina av brævinum tann sami sum áður.

  Mínboks umvegis Heldina	Senda við gomlu integratiónini
  15.000 fyri íbindingargjald. 1, 95 kr. fyri brævið uttan mun til stødd mánargjald: 575 kr.	15.000 fyri íbindingargjald. 2 kr. fyri hvørji 100 kb Dømi: bræv á 250 kb kostar 6 kr. Mánaðargjald 1.475 kr.