Verkstova um menning av vevtænastum til Heldina

Sambært rundskrivi frá 2016 um Heldina er álagt øllum almennum stovnum, at alt samskifti av dátum til og frá almennum KT-skipanum framyvir skal koyra umvegis Heldina. Sum liður í hesum er av týdningi, at mennarar av hesum vevtænastum fáa neyðugar førleikar og vegleiðing til tess av standa fyri hesum arbeiði. Í hesum sambandi skipaði Heldin mikudagin hin 7. Juni 2017 fyri verkstovu um menning av vevtænastum til Heldina.

Bodnir til verkstovuna vóru mennarar av vevtænastum til skipanir hjá bæði almennum stovnum og privatum fyritøkum og endamálið við verkstovuni var at geva mennarum í føroysku KT-vinnuni høvi at fáa undirvísing í teimum vevtænastum, ið skulu knýtast í Heldina.

Undirtøkan til verkstovuna var góð og nærum 40 mennarar úr føroysku KT-vinnuni tóku lut í verkstovuni. Verkstovan varð deild upp í ymiskar fyrilestrar, sum allir høvdu til endamáls at undirvísa mennarum í vevtænastum hjá Heldini og samstundis geva víðari tey amboð og ta vitan, ið føroyska KT-vinnan kann fáa agóða av til tess at veita røttu tænastuna til almennu og privatu vinnuna.

Til ber at síggja framløgurnar frá verkstovuni her:

Støðulýsing av Talgildu Føroyum - Nicolai M. Balle

Knýti í Heldina - Lilly D. Hanssen

Trygdarambætari og íbinding - Hans Blaasvær

Heldin vev-tænastur - Oluf Færø

Menning av vev-tænastum í .Net - Andras Eliassen

Skráin:

13:00 - Vælkomin & Støðulýsing – Nicolai Mohr Balle

13:10 - Knýti í Heldina - Tilgongd – Lilly Dam Hanssen

13:30 - Lýsing av Heldini og trygdarambætaranum – Hans Blaasvær

13:55 - Kaffisteðgur

14:05 - Menning í .net & JAVA - Oluf Færø og Andras Eliassen