Størri mynd

Myndin omanfyri vísur yvirskipaðu mannagongdina fyri, hvussu ein knýtir seg í Heldina sum vevtænastubrúkari. 

Stigini niðanfyri vísa nágreiniliga mannagongdina, fyri at knýta í Heldina sum vevtænastubrúkari. Undir hvørjum stigi er ein stutt frágreiðing til tess at veita eina ítøkiliga lýsing av einstaka stiginum. Eru spurningar ella ivamál um knýtið, ber til at senda ein teldupost á heldin@gjaldstovan.fo   

Stovnar í KT-Landsins:

Legg til merkis, um luttakarin er í Landsneti, og ynskir at nýta felags trygdarambætara, er ikki neyðugt at taka støðu til stig 1, 2, 5 og 7.

  • Stig 1 Trygdarambætari (download+install)

    Uppsetan av trygdarambætara og tilmelding í Heldina

    Ein vegleiðing til uppsetan av trygdarambætara er gjørd, og lýsir hon øll stigini í samband við uppsetan. Eisini verður lýst, hvussu tilmelding fer fram.

    Tak vegleiðingina niður: Uppsetan av trygdarambætara og tilmelding í Heldina (PDF)

    Vegleiðingin er skrivað til testumhvørvið. Uppsetanin til rakstarumhvørvið er tann sama, men adressur og DNS keys eru ymisk. Sí stig 2.

    Les meira um hetta í skjalinum "Uppsetan av trygdarambætara og tilmelding í Heldina", síða 3 til 8.

    Eisini er yvirskipaða vegleiðingin til trygdarambætarar tøk á enskum her: Security Server User's Guide (PDF) 

  • Stig 2 Íbinding til Heldina (teknisk)

    Sí vegleiðingina í stig 1 

    Tekniska íbindingin til Heldina er lýst á síðunum 8 til 11 í omanfyrinevnda skjalið. Legg til merkis at munur er á parametrunum til testumhvørvi og til rakstrarumhvørvi.

    Parametrini kunnu finnast í skjalinum og á heimasíðuni.

     

  • Stig 3 SLA við Heldardepilin og heldarábyrgdari útnevndur

    Fyri at gerast luttakari í Heldini, er neyðugt at sáttmáli er gjørdur við Heldardepilin. Sáttmálin kann takast niður HER og skal sendast til heldin@gjaldstovan.fo

    Harumframt kann stjórin útpeika ein heldábyrgdara, sum síðani kann avgreiða og undirskriva samskifti mótvegis Heldardeplinum vegna luttakarin. Váttan um Heldábyrgdara kann takast niður HER og skal sendast til heldin@gjaldstovan.fo

    Er eingin Heldábyrgdari útpeikaður, er neyðugt hjá stjóranum at undirskriva alt samskifti við Heldardepilin, t.e. tilmeldingar o.t.

  • Stig 4 Skráset vevtænastubrúkara

    Skrásetingin av einum nýggjum vevtænastubrúkara verður gjørt á tínum trygdarambætara.

    Registry Code – V-tal
    Hetta er V-talið hjá luttakaranum, og er sostatt einstakt fyri øll í Heldini. Gevi gætur, at onkuntíð er neyðugt at hava fleiri trygdarambætarar og/ella vevtænastubrúkarar. Hevur tín stovnur/virki tað, skal hetta gerast greitt í heitinum, og heitið skal sostatt vera: V-tal, bindistrika og síðani eitt stutt navn fyri, hvat hesin trygdarambætarin ella vevtæansturbrúkarin verður brúktur til. Til dømis, um talan er um fólkayvirlitið, kann tað vera “405388-folk”

    Hesi registry code vera ikki góðtikin:

    • skipanir við "test" í navninum
    • skipanir við stavivillum
    • nøvn ið líkjast nógv ella liggja tætt uppat øðrum nøvnum
    • stavir sum liggja uttanfyri vanliga enska stavraðið, t.d. (@, ð, ó, *, ?,_) tó er "-" góðtikið sum tað er lýst í omanfyri

    Organization’s name

    Fulla navnið hjá luttakaranum, eins og tað er skrásett í Vinnuskránni. Er talan um fleiri skrásetingar, skal heitið sostatt vera: navn hjá luttakara, bindistrika og síðani sama endi sum á “registry code”.  

    Til dømis, um talan er um fólkayvirlitið, kann tað vera “Umhvørvisstovan-folk”

     

  • Stig 5 Send umsókn og certreq til Heldardepilin

    Heinta umsøkn til vevtænastubrúkara.

    Vegleiðing at fylla út umsóknarblaðið

    Vel fyrst um tað er íbinding í rakstrar- ella testumhvørvið.

    Navn á stovni/virki
    Grundleggjandi upplýsingar um stovnin/virkið, ið ynskir at knýta í Heldina sum vevtænastubrúkari.

    Heldábyrgdari
    Um stovnurin/virkið hevur ein innanhýsis Heldábyrgdara, skal hann vera nevndur her. Heldábyrgdarin hevur somu heimildir sum stjórin, hvat viðvíkur Heldini.

    Umsitari av trygdarambætara
    Her verður upplýst hvør er tekniskur kontaktpersónur í samband við hendan trygdarambætaran. KTL hevur bert heimild at samskifta við hendan persónin um uppseting oa. á trygdarambætaranum.

    Navn á trygdarambætara
    Hetta er navnið á virtuellu/fysisku telduni sum koyrir trygdarambætaran. Hetta verður nýtt til at eyðmerkja telduna við einum trygdarambætara um har eru tekniskir trupulleikar, og eisini tá fleiri luttakarar deila ein trygdarambætara.

    Public IP á trygdarambætara
    Tað er umráðandi at hendan adressan er røtt, og at hon verður dagførd í samband við flyting. 

    Registry Code – V-tal (sum var skrásett í stig 4)
    Hetta er V-talið hjá luttakaranum, og er sostatt einstakt fyri øll í Heldini. Gevi gætur at onkuntíð er neyðugt at hava fleiri trygdarambætarar og/ella vevtænastubrúkarar. Hevur tín stovnur/virki tað, skal hetta gerast greitt í heitinum, og heitið skal sostatt vera: V-tal, bindistrika og síðani eitt stutt navn fyri, hvat hesin trygdarambætarin ella vevtæansturbrúkarin verður brúktur til. Til dømis, er hetta fólkayvirlitið, kann tað vera “405388-folk”

    Hesi registry code vera ikki góðtikin:

    • skipanir við "test" í navninum
    • skipanir við stavivillum
    • nøvn líkjast nógv ella liggja tætt uppat øðrum nøvnum
    • stavir sum liggja uttanfyri vanliga enska stavraðið, t.d. (@, ð, ó, *, ?,_) tó er "-" góðtikið sum tað er lýst í omanfyri

    Organization’s name

    Fulla navnið hjá luttakaranum, eins og tað er skrásett í Vinnuskránni. Er talan um fleiri skrásetingar, skal heitið sostatt vera: navn hjá luttakara, bindistrika og síðani sama endi sum á “registry code”.  

    Til dømis, er hetta fólkayvirlitið, kann tað vera “Umhvørvisstovan-folk”

     

  • Stig 6 Heldardepilin skrásetur vevtænastubrúkara

    Heldardepilin tilmeldar vanliga luttakarar týsdagar. Luttakarin fær boð tá tilmeldingin er framd.

  • Stig 7 Heinta góðkenda sertifikatið til trygdarambætaran

    Tá Heldardepilin hevur tilmelda umbønina útfrá umsóknini og certreq.gz fíluni, er neyðugt hjá luttakaranum at innlesa góðkenningina, áðrenn samskift verður umvegis Heldina. Hetta er lýst niðast á síðu 13 til síðu 14 í skjalinum: Uppsetan av trygdarambætara og tilmelding í Heldina (PDF)

    Vel fyrst vevtænastubrúkarin í listanum, har tú upprunaliga skrásetti hann, og trýst so á Authentication Keys. Trýst á “Load Certificates” og síðani á Save, eftir eitt certificate er blivið innlisið. Nú er vevtænastubúkarin tøkur á Heldini, og er klárur at nýta.

  • Stig 8 SLA við vevtænastuveitara

    Ein avtala skal gerast millum luttakararnar í Heldini, tvs. millum veitara og brúkara. Heldardepilin tekur ikki støðu til hesa avtalu.

  • Stig 9 Umbið atgongd til vevtænastu

    Set teg í samband við tænastuveitarin sum eigur vevtænastuna, fyri at fáa atgongd. Yvirlit yvir kontaktpersónar hjá luttakarum finnur tú inni á Heldin.fo.

  • Stig 10 Menning av klienti

    Menningin av einum klienti til vevtænastu krevur at tú fyrst hevur fingið tillutað atgongd til vevtænastuna frá luttakaranum sum eigur vevtænastuna. Síðani kanst tú byrja at forrita.

    Vegleiðingar til hetta finnur tú á heimasíðuni talgildu.fo og á spyr.talgildu.fo.

    Tað er tó ikki neyðugt at forrita fyri at fáa atgongd til dáturnar. Dømi um hetta liggur her.

     

Far beinleiðis til

Spurningar um evnið?

Oyðubløð